Damian Gjiknuri, përfaqësues i PS-së në Këshillin Politik, tha se PD mund të kërkojë njv sistem të ri zgjedhor, por ende nuk ka sjellë ndodnjë propozim konkret.
Gjiknuri tha se gjithashtu PD nuk ka as propozime lidhur me kompozimin e KQZ, sikundër shtoi se opozita nuk pranon propozimin e ODIHR për të çpolitizuar komisionet zgjedhore.
“Siç duket PD-së i pëlqen kjo mënyrë e kompozimit të Komisioneve Zgjedhore, megjithëse ODIHR ka kërkuar mospolitizimin e tyre. Le të dalin dhe ta thonë publikisht”, tha Gjiknuri.
Sipas tij, gjithashtu një çështje për të cilën pritet edhe mendimi i ekspertëve të ODIHR është përdorimi i teknologjisë.
“Ne s´mund t´ia lemë në dorë teknologjisë procesin zgjedhor se nuk është si puna e një rruge, që po nuk e bëmë tani, e bëjmë në muajt në vijim.
Sepse zgjedhjet bëhen në një ditë dhe nëse ka probleme bllokohet procesi dhe ne nuk mund të themi se fajin e ka qeveria”, tha Gjiknuri.
Gjatë pyetje përgjigjeve, Gjiknuri në një moment duket se e humbi kur tha “e di si është kjo punë, sikur ju të më pyesni mua a e bën dot qindshin për 15 sekonda? Jo nuk e bëj dot”.
Pjesë nga deklarata e Gjiknurit
“Akoma nuk kemi gjetur kompromisit për dy tre gjëra për shtrirjen e teknologjisë. Ka rrisqe të shumta. PD insiston tek e saja.
Kemi problem të paadresuar çështjen e administratës zgjedhore. Propozimi jonë i lejon edhe anëtarëve të partive politike për të qenë pjesë e procesit, por nuk ka marrë miratimin e PD. Për krimet zgjedhore, imunitetin penal, futjen e kamerave, rolin e policisë.
Kemi rënë në dakordësi për hapjen e çdo materiali zgjedhor. Kushdo që konstaton shkelje ka të drejtë të kontrollojë çdo fletë votimi. Këto janë garanci shtesë që asnjë opozitë nuk i ka pasur më përpara. Roli i Gjykatës Kushtetuese mund të ketë probleme dhe eskpertët kanë kërkuar kohë për të kthyer përgjigje. Jemi dakord për teknologjinë në atë masë që është e lejueshme.
PD nuk ka sjellë asnjë propozim për ndryshimin e sistemit. Nuk komentoj asnjë deklaratë. Di që asnjë propozim nuk ka ardhur për sistemin. Nëse ka kërkesë nga të gjitha partitë për trajtimin e sistemit zgjedhor por do shprehemi të fundit.
Unë kam thënë se synojmë ta shtrijmë në një hapësirë sa më shumë të jetë e mundshme, pasi të marrim edhe mendimin e eskpertizës. ODHIR thotë se e para rekomandimi të shtrihet shkallë-shkallë. Sot kam thënë se duhet ngritur një grup pune dhe partitë të jenë pjesëmarrëse. Teknologjia nuk varet nga ne. Nëse nuk realizohet nuk do themi se do shtyjmë zgjedhjet. Nëse ka rrisqe të tilla zgjedhjet do të vazhdojnë normalisht.
PD ka kërkuar që Kolegj Zgjedhor të jetë Gjykata Kushtetuese. Kjo duhet parë dhe ne nuk kemi dhënë kundërshti apo dakordësi të menjëhershme. Nëse ka konsesus është e mundshme për ato që kemi në dorë. Administrata Zgjedhore është e mundshme. Kemi deklaruar që partitë të kenë përfaqësues politikë dhe jo vendimmarrës”.
