Kreu i PD-së Sali Berisha ka replikuar në Kuvend me deputetin socialist, Damian Gjiknuri, teksa u shpreh se ky i fundit do të thirret dëshmitar për kryeministrin Edi Rama.
“Edhe në malin Athos po të shkosh dëshmitar do të thirresh për Edi Ramën”, iu drejtua Berisha.
Ndërsa ligjvënësi socialist iu drejtuar duke thënë që “nuk e kam problem fare, dëshmoj kurdo por e vërteta qëndron në tjetër vend”.
“Ti mbase je i shqetësuar për negociatat jo të mira që ke bërë me mua nëpërmjet përfaqësuesit tënd këtë nuk di ta them dhe nuk ia vlen të përdoresh këtë tribunë për të sajuar akuza të tilla”, deklaroi Gjiknuri.
Replikat mes Gjiknurit dhe Berishës:
Berisha: Damian shko ku të duash, edhe në malin Athos po të shkosh dëshmitar do të thirresh për Edi Ramën. Është akti më flagrant i korrupsionit.
Gjiknuri: Sali me ty nuk ia vlen, debate të vjetra gjithmonë për këto çështje, Sa herë del ndonjë akuzë del diçka e lidhur me ty. Ta kam thënë aty kur bënin bashkë humor, të kujtohet James Traficant, Po me the, ma futën Damian ke të drejtë”. Kështu që kompleksi i James Traficant mos ma transfero mua, unë nuk kam problem fare, dëshmoj kurdo, kam dëshmuar, por e vërteta qëndron në tjetër vend. Ti mbase je i shqetësuar për negociatat jo të mira që ke bërë me mua nëpërmjet përfaqësuesit tënd këtë nuk di ta them dhe nuk ia vlen të përdoresh këtë tribunë për të sajuar akuza të tilla se thashë “kompleksi i James Traficant do të përsëritet për herë të dytë, mos mbaj shpresa tek gjëra që nuk ke siguri.
