Arrihet marrëveshja, shtyhet deri në 31 gusht pagesa për këstet e kredive

Kryeministri Edi Rama njoftoi në rrjetet sociale se këstet e kredive do të shtyhen deri më 31 gusht 2020.

Rama shkruan se marrëveshja është firmosur me guvernatorin e Bankës së Shqipërisë, Genc Sejko.

Në vijim Kreu i Qeverisë shprehet se BSH miratoi një lehtësim për bankat e nivelit të dytë që të bëjnë ristrukturime proaktive të kredive deri në 31 dhjetor 2020 me shtrirje një ose disa vjeçare.

Sipas marrëveshjes së bërë me bankat, këto të fundit duhet të pranojnë kërkesat e bizneseve dhe individëve për shtyrjen e kësteve të kredive në rastet kur vërtetojnë me fakte se e kanë të pamundur shlyerjen e tyre për shkak të problemeve prej koronavirusit.

LEXO EDHE  E rëndë/ 21-vjeçarja me probleme mendore dhunohet s*ksualisht (Video)

Deri më tani ka patur ankesa prej aplikantëve me argumentin se shpesh kërkesat e tyre nuk merren parasysh nga bankat duke nxjerrë arsyetime të ndryshme.

Postimi nga Edi Rama

BASHKËFIRMOSËM ME GUVERNATORIN E BANKËS SË SHQIPËRISË NJË SHTYRJE TË MËTEJSHME TREMUJORE TË KËSTEVE TË KREDIVE DERI NË 31.08.2020👍

GJITHASHTU BANKA E SHQIPËRISË MIRATOI NJË LEHTËSIM PËR BANKAT E NIVELIT TË DYTË, QË TË BËJNË RISTRUKTURIME PROAKTIVE TË KREDIVE DERI NË 31.12.2020 ME SHTRIRJE NJË OSE DISAVJEÇARE, SIPAS SHKALLËS SË VËSHTIRËSIVE TË ÇDO BIZNESI🤝