“U morën me plazhet, harruan mjekët”/ Eksperti Dasho: Covid po godet pikat e dobëta

Eksperti i shëndetit publik, dr.Erion Dasho, shkruan në një postim në rrjetet sociale se ndërsa lejohet puna në Call center, bllokohet vajtja në plazhe dhe larja në det.

Dasho shkruan se kjo është e pakuptimtë, ndërsa thekson se personeli mjekësor dhe pacientët janë grupe në risk që s´mund të lihen pa mbrojtje.

“Mjekët dhe infermierët janë grup në risk ndaj COVID dhe spitalet janë vend ku COVID mund të përhapet (siç tregoi shembulli i Lombardisë). Personeli mjeksor dhe pacientët nuk mund të lihen pa mbrojtje në raport me COVID. Aq më tepër në një spital universitar! 13 raste të infektuar në QSUT në një ditë të vetme, tregon se duke u marrë me parqet dhe plazhet, janë harruar spitalet”, shkruan Dasho.

Postimi nga Erion Dasho

COVID vazhdon të godasë në pikat më të dobta:

E pakuptimtë se si call centers vazhdojnë akoma punën!!! Vend më të përshtatshëm për transmetimin e virusit nuk ka! Njerëz pranë njëri-tjetrit, që flasin gjithë kohën dhe në një dhomë të mbyllur! Për më tepër ky është tipi i biznesit që mund të punojë 100% nga shtëpia!

NUK KUPTOHET SE SI MUND TË NDALOHET SHËTITJA NË PARK DHE LARJA NË DET, NDËRKOHË QË LEJOHET PUNA NË CALL CENTER!!!
Mjekët dhe infermierët janë grup në risk ndaj COVID dhe spitalet janë vend ku COVID mund të përhapet (siç tregoi shembulli i Lombardisë). Personeli mjeksor dhe pacientët nuk mund të lihen pa mbrojtje në raport me COVID. Aq më tepër në një spital universitar! 13 raste të infektuar në QSUT në një ditë të vetme, tregon se duke u marrë me parqet dhe plazhet, janë harruar spitalet.

LEXO EDHE  Dy të huajve u sekuestrohen 31 000 Euro të padeklaruara në Rinas

Përvoja e dy ditëve të fundit konfirmoi atë që unë shkruajta të hënën, pra se COVID do të vazhdojë të transmetohet sidomos në Tiranë, Durrës, Shkodër, etj.

Të moshuarit, personat e prekur nga sëmundje kronike dhe personeli mjeksor janë të riskuar në raport me COVID! Ata duhen mbrojtur në mënyrë të veçantë për të shmangur përvoja të pakëndshme dhe të rrezikshme me COVID!

GJITHKUSH DUHET TË MARRË MASA PËR MBROJTJEN E SHËNDETIT TË VET DERI SA TË ARRIJNË (SHPRESOJMË) MASAT INTELIGJENTE DHE ATO SPECIFIKE PËR GRUPET NË RISK.

Shënim: njëlloj si dje, ju lutem kuptoni se ky është komunikim për miqtë. Kush dëshiron të bëjë debat sa për debat, le të hapë një temë të re në wallin e vet. Ju falenderoj për mirëkuptimin!