Në pritje të vendimit të Apelit/ KPA ngrin çështjet ku anëtar është Luan Daci

Një ditë më parë Gjykata e Posaçme Kundër Krimit dhe Korrupsionit la në fuqi vendimin për pezullimin nga detyra të gjyqtarit Luan Daci, anëtar në sistemin e vettingut në shkallën e vlerësimit te Kolegji i Posaçëm i Apelimit.

Daci ka deklaruar se do të Apelojë vendimin, ndërsa përballv një situate të tillë, KPA ka njoftuar se çështjet ku Daci është anëtar i trupës gjykuese, do të ngrijnë deri në daljen e vendimit të Gjykatës së Posaçme Apelit kundër Korrupsionit dhe Krimit të Organizuar.​

Kolegji i Posaçëm i Apelimit do të organizojë punën për vijimin e gjykimeve dhe caktimin e datave për gjykimin e çështjeve të tjera, pra atyre ku Daci nuk është pjesë e trupave gjykuese.

Njoftimi

Më 20 maj 2020, Prokuroria e Posaçme kundër Korrupsionit dhe Krimit të Organizuar vuri në dijeni Kolegjin e Posaçëm të Apelimit lidhur me vendimin nr. 54, datë 20.05.2020 të Gjykatës së Posaçme të Shkallës së Parë për Korrupsionin dhe Krimin e Organizuar, sipas të cilit, është vendosur caktimi i masës së sigurimit ndaluese “pezullimi i ushtrimit të një detyre a funksioni publik”, në bazë të nenit 242 të Kodit të Procedurës Penale, për gjyqtarin Luan Daci.

LEXO EDHE  Plagosen me thikë dy vëllezërit, në kërkim autori

Kolegji i Posaçëm i Apelimit është njoftuar gjithashtu, nga gjyqtari Luan Daci që do të ndjekë të gjitha rrugët ligjore të ankimit ndaj këtij vendimi.

Në këto kushte, Kolegji i Posaçëm i Apelimit do të organizojë punën për vijimin e gjykimeve dhe caktimin e datave për gjykimin e çështjeve, ku gjyqtar Luan Daci nuk është anëtar i trupës gjykuese.

Ndërsa në çështjet, ku gjyqtar Luan Daci është anëtar i trupës gjykuese, Kolegji i Posaçëm i Apelimit do të presë vendimin e Gjykatës së Posaçme Apelit kundër Korrupsionit dhe Krimit të Organizuar.​