Kolegji i Posaçëm i Apelimit, KPA shpalli të mërkurën më 4 mars vendimin për lenien në fuqi të konfirmimit në detyrë të ndihmëses ligjore pranë Gjykatës së Apelit të Juridiksionit të Përgjithshëm, Albana Palaj, duke rrëzuar si të pabazuar qëndrimin e drejtuesit të SPAK për shkarkimin e subjektit të rivlerësimit për shkak të problemeve në kriterin e pasurisë.
Albana Palaj u konfirmua në detyrë nga Komisioni i Pavarur i Kualifikimit më datë 25 korrik të vitit 2024, duke konkluduar se pasuritë për të cilat u konstatua bilanc negativ janë krijuar para se ajo të fillonte detyrën si ndihmëse ligjore dhe me të ardhurat e krijuara prej bashkëshortit të saj në emigrim. Po ashtu, Palaj u vlerësua pozitivisht për pastërtinë e figurës dhe profesionalizmin.
Por, Komisionerja Publike, Irena Nino vlerësoi ndryshe, duke çmuar se subjekti nuk ka arritur të provojë të kundërtën e barrës së provës. Sipas Ninos, nga analizimi i akteve të administruara në dosje të Komisionit, subjekti i rivlerësimit nuk ka arritur të provojë të kundërtën lidhur me pamjaftueshmëritë e konstatuara nga Komisioni për periudhën para dhe pas fillimit të detyrës. Këtë qëndrim mbajti dhe drejtuesi i SPAK dhe kërkoi shkarkimin e Palajt.
Subjekti prapësoi duke argumentuar se ankimi nuk përmbushte standartin minimal dhe theksoi se ishte në pamundësi objektive për të siguruar dokumentacion për të ardhurat e krijuara nga punësimi informal i saj dhe i bashkëshortit në Itali, shumë vite para se të fillonte detyrën.
Kolegji e gjeti të pabazuar konstatimin e Komisioneres Publike për pamundësinë e krijimit të një gjendje cash, duke sjellë në vëmendje se vërtetuar se është krijaur prej pagës së subjektit.
Lidhur me analizën e përgjithshme, prej nga është konstatuar bilanc negativ në vlerë të madhe për periudhën para fillimit të detyrës, kur subjekti dhe bashkëshorti kanë qenë në emigrim, Kolegji vëren se pamundësia konstatuar për shpenzimet e jetesës. Po ashtu, konstatohet se shpenzimet e përllogaritura sipas të dhënave të Eurostat, janë sa dyfishi të ardhurave të dokumentuara në periudhën kur familja e subjektit ka qenë në emigracion. Ky raport mes shpenzimeve dhe të ardhruave, vlerësohet prej Kolegjit se vendos në diskutim vlerën e të ardhurave nga punësimi.
Sipas Kolegjit, rrehanat në të cilat janë gjendur subjekti dhe bashkëshorti gjatë periudhës në emigrim, nuk i përkasin qëllimit të procesit të rivlerësimit.
KPA vëren se të gjitha pasuritë e deklaruara nga subjektio se janë krijuar me të ardhura nga emigracioni, vërtetohet se kanë ekzistuar shumë kohë para se subjekti të fillonte detyre në vitin 2016, ç’ka vlerësohet se shuan çdo dyshim se mund të jenë krijuar me të ardhura të paligjshme gjatë ushtrimit të detyrës.
Ndryshe nga rastet e tjera të gjykuara në Kolegj, vlerësohet se të ardhurat nga emigracioni i mbulojnë investimet.
Kjo situatë, është vlerësuar dhe në kënvështrim të detyrës funksionale të subjektit, si ndihmëse ligjore, e cila ndryshe nga magjistratët nuk merr vendime.
Në përfundim, Kolegji vlerëson se Komisionerja Publike nuk ka marrë në konsideratë parimin e objektivitetit dhe proporcionalitetit dhe se subjekti arrin nivel të beuseshëm në kriterin e pasurisë e konfirmimi i saj duhet të lihet në fuqi./Reporter.al
