Nga dita e pushimit te pagesat për sallën/ Gjiknuri gjen pretekstet për të mos mbledhur Këshillin Politik

Opozita e bashkuar kërkoi mbledhjen e Komitetit Politik për reformën zgjedhore ditën e hënë më 25 maj, përmes një letre që ia drejtonte Damian Gjiknurit, si përfaqësues i PS-së, dhe Rudina Hajdarit si pjesë e opozitës së emëruar.

Por në një kthim përgjigje, Gjiknuri ka kërkuar shtyrjen e mbledhjes apo tryezës për ditën e martë, 26 maj, me pretendimin se e hëna është një ditë pushimi, për shkak se festa e Fiter Bajramit është të dielën.

Në përgjigjen drejtuar përfaqësuesve të opozitës, Oerd Bylykbashi dhe Petrit Vasili, Gjiknuri ngre si shqetësim edhe pagesën për sallën ku do të zhvillohet mbledhjes, në Pallatin e Kongreseve.

Nuk dihet se sa paguhet për sallën në një godinë shtetërore, por gjithçka duket qesharake, përsa kohë në këtë vend abuzohen miliona euro për kontrata koncensionare apo mobilime zyrash, apo pagesa për këshilltarë të huaj.

LEXO EDHE  Tentoi të vidhte në Bashkinë e Durrësit, arrestohet i riu / Video

Ndooshta Rilindja shpresonte që opozita të bojkotonte Këshillin Politik, dhe tashmë që ajo do të rikthehet, pas mospjesëmarrjes në mbledhjen e javës së kaluar, duket se përfaqësuesi i saj në këtë Këshill po gjen çdo pretekst qesharak për të fituar kohë.

Afati i përcaktuar për mbylljen e Reformës Zgjedhore është data 31 maj dhe palët duket se kanë shumë çështje thelbësore ende të pambyllura, përfshi këtu edhe sistemin zgjedhore.