Në listën e zezë të DASH/ Rama formalizon lirimin nga detyra të zv.ministres së Arsimit

Kryeministri Edi Rama ka firmosur lirimin nga detyra të zv.ministres së Arsimit, Lorena Haxhiu. Kjo e fundit u raportua se paraqiti dorëheqjen, pasi babai i saj u arrestua nga Policia e Shtetit dhe partnerët amerikanë.

Lirimi i saj nga detyra është bërë më datë 20 maj dhe është botuar në fletoren zyrtare, dy ditë më pas.

Nuk dihet nëse Rama do të ndërmerrte vendimin për largimin e zv.ministres Haxhiu, nëse ajo nuk do të jepte dorëheqjen. Të paktën në rastin e Vangjush Dakos, ish-kryebashkiak i Durrësit, edhe ky pjesë e listës së zezë të DASH, Kryeministri dhe kreu i PS-së, nuk ka ndërmarrë ndonjë vendim për t´a larguar si anëtar i Kryesisë së PS.

LEXO EDHE  E rëndë/ 63-vjeçari gjendet i varur në banesën e tij

Dyshohet se shkak për dorëheqjen është bërë përfshirja e babait të zv/ministres Haxhiu, Eduart Haxhiu, në grupin e strukturuar kriminal, që u shkatërrua para pak ditësh dhe që merrej me falsifikimin e vizave.

Pikërisht 52-vjeçari, Eduart Haxhiu, ka qenë një nga të arrestuarit, dhe pjesë e grupit që kalonte klandestinë me viza false drejt SHBA-ve, Kanadasë dhe Anglisë. Policia arrestoi 15 persona gjatë operacionit të koduar “Crystal Eagle”.