Shpërndarja e Parlamentit/ Meta: Dekretet do t’i zbatoj me popullin

Presidenti Ilir Meta, i ftuar në ‘Cim Peka Live’ deklaroi se për të ndërmarrë aktin e shpërndarjes së Parlamentit, i duhet mbështetja e shqiptarëve që të çojnë vendin drejt zgjedhjeve, pasi me këtë qeveri e quajti të vështirë, por jo të pamundur. Meta tha se dekretet do ti zbatojë me popullin.

“Dakord, e shpërndaj parlamentin që nuk është kaq e thjeshtë nga ana kushtetuese, por jo e pamundur. Por unë duhet të kem një situatë që i gjithë populli ta dojë. Por të dalin nja 20 burra që ta çojnë vendin në zgjedhje se me këtë qeveri nuk shkohet në zgjedhje.

Këtë krizë e zgjidh vetë populli shqiptar. Edhe presidenti, të ndërpritet mandati dhe të votohet nga populli dhe të gjithë të respektojnë vullnetin e sovranit.

Unë jam gati të bëj edhe zgjidhje të tjera, por duhet të jenë gati edhe të ca burra që presidenti ti çojë në zyra, të drejtojnë qeverinë dhe të çojnë vendin në zgjedhje”, tha Meta i cili shtoi se 80% e shqiptarëve, ndjen që duhet shporrur diktatura.

LEXO EDHE  Më falet mua të vdes nga një grip? Mjekja e njohur: Mbrohuni nga Covid-19, tashmë e dimë