Damian Gjiknuri, bashkëkryetar i Komisionit për Reformën Zgjedhore, u vu në siklet mbrëmjen e sotme në “Open” kur gazetari Enton Abilekaj e pyeti nëse do të përsëriste skenarin e zgjedhjeve të 2016 në Dibër.
Gjiknuri tha se asgjë në jetë nuk përsëritet, nuk ndodh dy herë të bëhet e njëjta gjë, por nuk dha asnjë përgjigje të prerë.
“Pse çfarë kam bërë në Dibër? Unë fitova në 2016, fitova në 2017, dy mijë vota më shumë, dhe fitova edhe në 2019”, tha Gjiknuri.
Ai tha se disa prokurorë politikë tentuan të kriminalizojnë një parti politike, në atë që njihet si dosja 339, e publikuar nga Bild ku shfaqeshin zyrtarët më të lartë të Rilindjes, përfshi edhe Gjiknurin, duke komunikuar me individë me rekorde kriminale.
Gjiknuri tha se nuk është në tagrin e tij politik për të diskutuar mbi një qeveri tranzitore. Por gazetari Abilekaj tha se në Shqipëri nuk ka lidhje Kodi Zgjedhor, pasi këtu dalin dhe i blejnë votat me lekët e kanabisit sikundër ka ndodhur.
