Ministri i Brendshëm, Sandër Lleshaj, ka paralajmërfuar shtimin e masave të sigurisë në Qarkun e Shkodrës, atje ku janë zbuluar rreth 44 raste me koronavirus brenda pak ditësh, duke e kthyer në qarkun më të prekur në vend pas Tiranës.
Lleshaj ka inspektuar funksionimin e tregjeve në Shkodër, ndërsa paralajmëroi rritjen e masave të ndëshkimeve në rastet kur qytetarët nuk respektojnë fashat e orarit të lëvizjes.
Ministri i Brendshëm, i cili ka qëndruar në hije për shumë javë, nga momenti që Kryeministri Edi Rama shpalli gjendjen e “luftës ndaj armikut të padukshëm”, ka kërkuar nga qytetarët që të respektojnë rregullat, ndërsa policia dhe ushtria do të garantojnë rregullin në tregje.
Lleshaj tha se duhet të bëhet maksimumi nga qytetarët, që duhet të qëndrojnë në shtëpi.
“Policia e Shkodrës duhet të veprojë, është një moment i vështirë që secili duhet të japë kontributin e tij për t´a tejkaluar”, tha Lleshaj.
