Kryeministri Edi Rama tha mbrëmjen e sotme se në javën e tretë të prillit mund të shohim dritë në fund të tunelit lidhur me situatën e koronavirusit.
Në emisionin “Provokacia”, Rama tha se nuk e dinte se kur mund të përfundonte lufta me armikun e padukshëm, por shtoi se nëse masat nga qytetarët zbatohen, atëherë në javën e tretë të prillit mund të kemi dritë në fundin e tunelit.
Por sipas Kryeministrit, pas kësaj lufte, do të përballemi me plagët e ekonomisë, që ky virus e ka goditur.
“Pas largimit të këtij virusi do të kemi përballjen me plagët që ka shkaktuar në ekonomi.
Jemi në kushtet kur realisht janë disa komponentë që duhen mbajtur mend. Këtu mund të them se politika shqiptare në këto momente është larg asaj frymës në kohë normale, madje kemi mundësi të dëgjojmë edhe më shumë njëri-tjetrin”, tha Rama. Madje ai shtoi se nëse kjo frymë do të ishte më parë, atëherë do të ishim shumë herë më mirë.
