Ndërkohë që Qeveria ka shtuar masat me synim mospërhapjen e koronavirusit, në një kohë kur numri i rasteve të konfirmuara është 197 të prekur, ndërsa 10 persona kanë humbur jetën, duket se qytetarët në fashat kur lejohet lëvizja tregohen të shkujdesur.
Fotot e mëposhtme tregojnë atë që ndodh në qytetet kryesore të vendit, Shkodër, Durrës, Berat, ku duket se qytetarët sillen si në një ditë normale.
Pavarësisht se ka një ndërgjegjësim, sërisht pamjet tregojnë grumbullime të njerëve pa kujdes dhe pa pasur frikën se mund të infektohen.
Gjithsesi prej së hënës do të ketë të tjera masa të shtuara, ku çdo qytetar do i duhet të pajiset me leje për të dalë 1 orë nga shtëpia për pazare, në fashën e përcaktuar për qarkullimin e njerëzve.
