VIDEO/ Tabaku kërkon transparencë nga Qeveria: Kush po përfiton ndihma, anuloni transaksionet

Partia Demokratike akuzoi Qeverinë për mungesë transparence për ndihmën sociale dhe atë ndaj biznesit.

Ish-deputetja Jorida Tabaku theksoi se qytetarët duhet të dinë kush përfiton nga ndihma, ndërkohë që nuk ka akoma përgjigje çfarë do të bëhet me 35 mijë biznese dhe mbi 70 mijë të papunë të përjashtuar nga skema.

“Ndihma është detyrim ligjor i qeverisë në kushtet e fatkeqësisë natyrore. Të anullohet çdo transaksion i panevojshmë deri në kalimin e krizës”, tha Tabaku.

Në vijim ajo shtoi se 17 ditë pas rëndimit të krizës, nuk ka ende një VKM për pagesat që u lajmëruan nga Qeveria.

“Pse nuk bëhet e ditur lista e plotë e përfituesve nga kjo pagesë, që qytetarët të kenë mundësi të shohin nëse janë apo jo përfitues?

Kush janë bizneset e vogla që përfitojnë?

Kush janë personat qe do të marrin pagesë papunësie?

LEXO EDHE  Durrës/ Gjendet i vdekur 20-vjeçari sirian, në trup ka njolla gjaku

Kush janë personat qe do të përfitojnë pagesën e ndihmës ekonomike?”, tha ajo

Sipas ish-deputetes, sot 300 mijë familje në nevojë për mbijetesë kanë nevojë për ndihmë, pasi mbyllja në shtëpi i ka hequr edhe mundësinë minimale për të ushqyer me bukë fëmijët.

“Shteti ka detyrimin që në këtë moment të vështirë të jetë pranë të pamundurve, t’u sigurojë atyre minimumin për të jetuar dhe për t’u ushqyer.

Qeveria duhet të veprojë pa asnjë vonesë për t’u ardhur në ndihmë familjeve në pamundësi për të ushqyer fëmijët. Ky është detyrim i saj ligjor dhe jo çështje e dëshirave apo vullnetit të Edi Ramës.

Paratë e taksapaguesve duhen vënë menjëherë në shërbim të qytetarëve dhe duhet anulluar çdo transaksion tjetër deri në kalimin e kësaj situate”, tha ajo.