Tre raste të reja me Covid-19 janë regjistruar në orët e fundit në Shqipëri. Mësohet se në Pukë, dy persona, familjarë të pacientit të parë të prekur në këtë bashki, kanë rezultuar pozitiv me koronavirus pas testeve.
Ndërkohë në Vaun e Dejës është regjistruar rasti i parë me Covid 19. Mësohet se pacienti që ka rezultuar pozitiv ka pasur një histori udhëtimi në Itali.
Pacienti ishte kthyer në Shqipëri 12 ditë më parë. Mësohet se ai do të transportohet drejt spitalit Infektiv në Tiranë.
Deri në mesditën e djeshme, Ministria e Shëndetësisë bëri publike rastet e reja, ku janë zbuluar 28 persona të infektuar, ndërsa numri total i të prekurve ka arritur në 174.
Si pasojë e Covid 19 kanë humbur jetën në Shqipëri 7 persona, dy prej të cilëve në moshë relativisht të re, 43 dhe 48 vjeç.
