Erion ku je, jepu zgjidhje hallexhinjve, shuaji urinë

Nga Boldnews.al

E mbani mend Lali Erin në kohë me diell dhe paqeje? Shfaqej gjithkund, duke mbjellë pemë e duke puthur fëmijë e të moshuar, hallexhinj dhe super të varfër.

Nga mëngjesi në mbrëmje bënte show, dhe avash avash nisi të krijojë atë maskën e njeriut punëtor, të dashur, të pastër, të përkujdesshëm dhe që po harxhonte vitet e tij për ta shndërruar Tironën, në qytetin që meritojnë tironsit.

Të paktën me këtë gjuhë është shprehur, atëherë kur dilte 13 apo 14 herë në ditë, me shpurën e drejtorëve dhe fotografëve nga pas, dhe Rilindasit e G 99 që e prisnin në cepa rrugicash, pallatesh apo parqe.

Sot jemi në kohë lufte, të paktën kështu e ka shpallur Skënderbeu i Elisës! Armiku është i padukshëm, dhe Erjoni duket se është bërë i pakapshëm.

Thotë se ndodhet në terren duke shpërndarë ndihma, ndërkohë që ata që presin ndihma qëndrojnë pas kangjellave të njësive administrative.

Lali Eri thotë se ndodhet te familjet rome, madje duke e quajtur veten si njeriun që ka bërë më shumë për to.

E mbani mend kur pak vite më parë mbante në krah një fëmijë rom dhe me një show të ndyrë e çonte në spital.

Është i njëjti kryebashkiak që me policët e tij bashkiakë, i tërheq zvarrë romët që përpiqen të nxjerrin bukën e gojës, duke grumbulluar hekurishte apo shishe.

Mëngjesin e sotëm në rrjetet sociale u publikuan fotot skandaloze nga të paktën dy njësi administrative, ku shfaqen qytetarë jashtë çdo mase sigurie për shëndetin, në pritje të zgjidhjeve të halleve. Pamjet u publikuan nga mjeku i njohur Tritan Kalo, i cili gati ulërinte duke pyetur se ku ishte policia bashkiake?!

LEXO EDHE  E frikshme/ Vetëm në Lombardi humbën jetën 416 persona në 24 orët e fundit nga Covid 19

Kalo dhe çdokush tjetër në profesionin e tij, që realisht po përballet me rrezikun e Covid 19, e ka shumë të qartë rrezikun që i kanoset këtyre hallexhinjve, por çështja është që në mos nga koronavirusi, ato mund të kenë të njëjtin fat nga mungesa e ushqimeve, apo mungesa e një strehe.

Edhe këta hallexhinj, në varfëri totale, ndoshta do kenë dëgjuar për rrezikun nga Covid 19, por ato kanë një hall më të madh, atë të urisë dhe skamjes.

Pakot që thuhet se po shpërndahen nga Lali Eri përbajnë 12 kokrra vezë, miell, makarona, oriz, konserva, vaj, kripë, dhe janë llogaritur që ato të konsumohen për dy javë, pasi sipas logjikës së Kryebashkiakut kjo nuk është koha për të konsumuar shumë. Me logjikën e këtij kryebashkiaku, të shuash urinë është “kap ça të kapësh”.

Çuditërisht pakot nuk përmbajnë asnjë sapun apo detergjent, nga ato që mjekët u ngjirën duke thënë lani duart dhe pas tyre e përsërit edhe Skënderbeu pa pushim.

Lali u shfaq në një media duke thënë se ndodhet në terren, në timon, me kamion duke shpërndarë ndihmat.

Madje sugjeroi që njerëzit të rrinin në shtëpi, pasi ndihmat nuk do i shkonin do të qëndronte te dyert e njësive administrative, por duke qëndruar në shtëpi dhe duke pritur.

Erion ti s´ke pse bën shoferin e kamionit, as shpërndarësin e pakove me ndihma, mjafton të organizosh punën, të kalosh në emergjencë stafin që të shërben në kohë paqeje, dhe grumbullimet e frikshme para njësive administrative
të mos kthehen në bomba infektimi dhe viktimash.

Koronavirusi t´a rrëzoi maskën Erion, nuk je ai djali punëtor, as i dhembshur…