Krisje mes Ter Stegen dhe Barçës, portieri kërkon përmirësim të kushteve financiare, katalanasit hezitojnë

Skuadra e Barcelonës dëshiron të rinovojë kontratën me Ter Stegen, por kushtet që gjermani ka vendosur janë të vështira për tu arritur edhe pse bëhet fjalë për një ekip të madh siç është Barcelona.

Bisedimet nuk kanë shkuar mirë mes gjermanit dhe kampionëve, pasi deri më tani nuk ka ndonjë përfundim për të rinovuar kontratën. Marrëveshja aktuale mes portierit dhe kampionëve të Spanjës skadon në vitin 2022.

LEXO EDHE  Gareth Bale flet për largimin e tij nga Real Madrid

Ter Stegen ka një kërkesë të qartë në lidhje me kontratën e re. Ai do që të jetë një ndër futbollistët më të paguar të ekipit. Kusht që deri më tani nuk ka gjetur miratimin e klubit, por gjasat janë që ata të dorëzohen përpara kërkesës së tij duke ditur rëndësinë që ka momentalisht gjermani tek ekipi i Setien.