3 javë para ndeshjes, shiten të gjitha biletat për ndeshjen Maqedoni e Veriut-Kosovë

Maqedonia e Veriut dhe Kosova do të ndeshen me njëra-tjetrën më 26 mars, ndeshje më e rëndësishmja kjo në historinë e të dyjave kombëtareve. Ky takim është i vlefshëm për gjysmëfinalen e Ligës së Kombeve dhe do të luhet në arenën “Todor Proeski” në Shkup.

Fitorja për secilin ekip do i çonte në finalen e “play off”-it të Ligës së Kombeve, fitorja në të cilin do i siguronte një biletë për Kampionatin Europian.

Në lidhje me këtë ndeshje, Federata e Futbollit të Maqedonisë së Veriut ka bërë me dije se të gjitha biletat për këtë ndeshje janë të shitura, edhe pse aktualisht duhen edhe 19 ditë nga zhvillimi i ndeshjes.

LEXO EDHE  Operohet De Ligt, ja sa do të mungojë për Juventusin!

Kjo do të jetë ndeshja me numrin më të lartë të tifozëve në këtë stadium, teksa numri i tifozëve të pranishëm do të jetë 35 mijë, duke zbritur një vend më poshtë ndeshjen që Maqedonia ka luajtur ndaj Spanjës, ku në stadium ishin të pranishëm 30 mijë spektatorë.