Gishti i Ramës që tregon fundin e një qeverisje

Nga Boldnews.al

Në Parlament, kryeministri Edi Rama u mundua që të bëhet protagonist si gjithnjë. Me një shfaqje të dukshme me gjeste, sjellje, lëvizje trupi të pakontrolluara dhe akuza për kundërshtarët politik, tregonin se ishte në një situatë të vështirë. Disa herë Rama drejtoi gishtin: “ata, ju, ata-ju…”.

Tentoi të miksonte me mendjen e tij të tollovitur se “akti normativ” i cilësuar si kryeministri si “ligji kundër KÇK”, e cila që në emërtim duket se sa serioze është, po përdoret nga Rama për të shpërndarë hi propagandistik, që synon as më pak dhe as më shumë sesa mbulimi i skandaleve të vërteta brenda qeverisjes.

Por Rama sulmon, edhe kur duhet të mbrohet. I konsideroi si mbrojtës të krimit presidentin Ilir Meta dhe opozitën, që sipas tij e kundërshtojnë këtë akt normativ jo se shkel të drejtat e njeriut por faji është i të tjerëve; presidentit, opozitës, medias, Avokatit të Popullit, Komitetit të Helsinkit e çdo organizate serioze ndërkombëtare të cilët e kanë kundërshtuar një nismë të tillë. Rama nuk merret me ligjin, ai as që di ta lexojë në frymë dhe gërmë, por ai është aty vetëm për të dhuruar shfaqje prej aktori, duke shpikur edhe skenarë imagjinarë.

Efektivët e OFL-së (Operacioni Forca e Ligjit) kanë vijuar edhe ditët e fundit me propagandën që kalon nga zyra e shtetit nëpër televizione dhe ballina portalesh për emrat e radhës të dënuar për trafik narkotikësh dhe ngjarje të tjera të rënda të cilët duhet të justifikojnë pasurinë.

LEXO EDHE  VIDEO/ Ja sa delegatë nga dega e PD së Lushnjes mbështesin Kuvendin e 11 dhjetorit

Baza ligjore ku po veprojnë është kundërshtuar edhe nga organizmat ndërkombëtarë dhe për më tepër ka kthyer një supeministër si ai i Brendshëm që detyron institucionet e drejtësisë të raportojnë dhe japin “logari” para tij dhe një superpolici e cila ka marrë atributet e prokurorisë për të përgjuar apo lëshur urdhër për të mos lejuar lëvizjen e personave të ndryshëm edhe pa vendim gjykate.

Megjithatë, Ramës në vitin e shtatë të qeverisjes nuk mund ti kërkohet respektim i të drejtave të njeriut për një proces të rregullt ligjor, për aq kohë sa çdo ditë shtrëngon edhe më shumë fytin e qytetarëve dhe ka kapur çdo institucion në letra të pavarur.

Kryeministri tregon gishtin për armiqtë që sipas tij gjenden në opozitë dhe presidencë, duke anatemuar këdo. Ai gisht tregues sot është klidhja e një qeverisje e cila është në fundin e saj, ku si një ujk i plagosur kafshon këdo që i del përpara.

Sa herë Rama tregon forcën, në fakt është dobësia e tij dhe marrina e pafundme që ka çuar vendin në bozën e greminës. Një popull që në shtatë vitet e qeverisjes së tij mendon vetëm largimin nga vendi, ku varfëria është shtuar ndjeshëm e bashkë me të shtohen çdo ditë aferat korruptive dhe shkeljet e të drejtave të njeriut.