Drejtuesi i mjetit tip “Mercedez” që dyshohet se shkaktoi aksidentin e rëndë mbrëmjen e djeshme, ku si pasojë pati 1 viktimë dhe 8 të plagosur, në aksin rrugor Tiranë – Fushë Krujë, u arrestua nga policia.
Përmes një njoftimi zyrtar, Policia bën me dije se arrestoi shtetasin H.Sh 45 vjeç, banues në Tiranë.
Makina që drejtohej nga 45-vjeçari është përplasur me mjetin tip “Volkswagen” e më pas është përplasur me mjetin autobus.
Si pasojë e përplasjes ka ndërruar jetë në vend drejtuesi i mjetit tip “Volkswagen”, shtetasi F.Xh.,59 vjeç. Ndërkohë kanë mbetur të dëmtuar shtetasit V.Xh, A.Xh, R.D, M.D, T.Gj, K.Gj, T.L, Xh.L, pasagjerë në mjetet “Volkswagen” dhe autobus “Benz”, të cilët ndodhen në spital jashtë rrezikut për jetën.
