Deputeti Lefter Maliqi, përmes rrjeteve sociale, shprehet se manifestimi që do të mbahet pasditen e sotme, si një uragan madhështor popullor, do të çlirojë vendin nga Rilindja e krimit dhe oligarkëve, por edhe PS-në nga gruaja e Bilalit.
Maliqi e cilëson 2 marsin si ditën e madhe të demokracisë, Kushtetutës dhe të ardhmes së vendit në BE.
Duke ftuar qytetarët që të marrin pjesë në manifestimin e pasdites së sotme në bulevardin “Dëshmorët e Kombit”, Maliqi shprehet se ai do i paraprijë uraganit më të madh popullor në mbrojtje të Demokracisë, Kushtetutës, të drejtave dhe lirive të njeriut dhe mediave, kundra kapjes së institucioneve dhe instalimit të diktaturës.
“Pranvera e fitores po afron. Zgjedhjet e parakohshme janë të pashmangshme. Shqipëria si Europa”, shkruan Maliqi.
