Presidenti i republikës, Ilir Meta, i ka bërë thirrje kryeministrit Edi Rama që mos provokojë më Ramush Haradinajn pasi do ta marrë përgjigjen nga Shqipëria.
Meta deklaroi gjatë konferencës për mediat se Rama është tradhtari më i madh i Shqipërisë pas Esat Pashë Toptanit që paguhej nga armiqtë e vendit.
‘Gruaja e Bialit e ka kaluar me kohë kufirin dhe vijën e kuqe edhe në raport me çështjen ndërkombëtare. PO e provokon shumë Ramush Haradinajn. Kush e përkrahu vendimin e Haradinajt për taksën 100 përqind, gruaja e Bilalit. Gruaja e Bilalit nuk mban mend se çfarë bën në jetën e saj. Nuk ka nevojë as zoti Kurti dhe as njeri tjetër në Kosovë për mend e gruas së Bilalit. I them mos e provokojë më Ramush haradinajn. Ai mund të ketë shumë probleme si politikan, por është hero. Ndërsa gruaja e Bilalit është turpi i turpeve. Mos merret më me figurën e Ramush Haradinajt, se ai në oborrin e familjes së vet ka gati 40 varre dhe çdo ditë kur del nga shtëpia u thotë mirëmëngjesi vëllezërve që kanë dhënë jetën për liri. Mos e provokojë më gruaja e Bilalit Ramush Haradinajn për interes të shefave të vet se do e marrë përgjigjen nga Shqipëria. Janë bërë 100 vjet që shqiptarët janë ndarë nga Esat Pashë tradhtari. Sa të ketë Shqipëri dhe shqiptarë Esat Pashë Toptani që merrte para nga gjithë armiqtë e Shqipërisë, nuk ka për të patur më Shqipëria’, deklaroi Meta.
