Meta: Të shtohen përpjekjet për rihapjen e ekonomisë, me qëllim ringritjen sa më të shpejtë

Presidenti i Republikës, Ilir Meta, ndërsa ka postuar analizën e Arben malajt, bën apel për një hpje të sigurtë dhe të pakthyeshme të ekonimisë.

Sipas Metës duhen bërë përpjekjet maksimale për rihapjen e ekonomisë me qëllim ringritjen sa më të shpejtë të saj.

Ja postimi i Metës:

Ndërsa duhet forcuar edhe më tej kontrolli i pandemisë dhe treguesve të saj, duhet të shtojmë përpjekjet për një hapje të sigurtë dhe të pakthyeshme të ekonomisë, me qëllim ringritjen e saj sa më të shpejtë.

Ju ftoj të lexoni dhe këtë analizë të Prof.Dr. Arben Malaj:

Qeveria duhet ta përmirësojë transparencën publike të hartimit dhe miratimit të paketave sociale dhe mbështetëse për biznesin.

Konsultimi dhe analiza e kujdesshme e çdo propozimi prej grupeve të interesit.

Analiza, vlerësimi dhe përfshirja e propozimeve të opozitës përmirësojnë pritshmëritë e individëve dhe biznesit për daljen nga kriza dhe ringritjen e tyre.

Përmirësimi i pritshmërive optimiste ka një efekt pozitiv në ekonomi shumë më të madh se qindra miliona dollarë apo euro të injektuara në ekonomi.

Hapja e ekonomisë edhe në mënyrë graduale është fillimi i fundit të efekteve negative të COVID-19, ndërsa ringritja e ekonomisë të jetë fillimi i fundit të keqqeverisjeve, sepse aty gjenden rrënjët përse disa vende preken më pak dhe ringrihen menjëherë.

LEXO EDHE  Holanda kërkon Frederik Durdën, i dënuar me 16 vite burg për trafik kokaine nga Kolumbia