Meta apel qeverisë: Reflektori, respektoni lirinë e medias

Në muajin janar, Presidenti Ilir Meta ktheu për shqyrtim ligjin e qeverisë për mediat. Në intervistën dhënë për emisionin “Tempora” në RTV Ora, Kreu i Shteti i kërkon mazhorancës të reflektojë, pasi të vesh në pozitë të vështirë median dhe të mos i garantosh asaj liri është një situatë alarmante.

Ilir Meta: Duke pasur në konsideratë situatën e vendit tonë, pa Gjykatë Kushtetuese dhe pa një sistemi gjyqësor eficent, pa një parlament në përputhje me kushtetutën dhe ku praktikisht ka humbur llogaridhënia, përveç dhe pushtetit vendor , tani dhe ky pushteti tjetër media të vendoset në një  pozitë gjithnjë e më të vështirë apo të mos garantosh lirinë e saj është alarmuese dhe ka një përkeqësim të qëndrueshëm. Prandaj kërkohet një reflektim i menjëhershëm nga qeveria, parlamenti.

Sonila Meço: Mendoni që mund të reflektojë kjo mazhorancë?

LEXO EDHE  Emrat/ Organet drejtuese të KQZ, përzgjidhen 53 kandidatura

Ilir Meta: Po, nëse dëshirojnë që të kontribuojnë në çeljen e negociatave me BE dhe për të ruajtur disa standarde minimale të demokracisë duhet ta bëjnë me urgjencë.

Sonila Meço: Cila është përpjekja e presidentit për ta mbrojtur shtetin ligjor nga kjo pikëpamje?

Ilir Meta: Presidenti i ka bërë të gjitha përpjekjet e tij. Përgjegjësia është për ata që kanë dashur  të kapin institucionet, përgjegjësi kanë dhe ata që kanë dalë jashtë institucioneve, pavarësisht nga klima e vështirë që kanë patur në institucione dhe kjo na ka sjellë në një situatë anormale dhe duhet të përpiqemi bashkë për të vendosur normalitetin kushtetues, ligjor në vend, sepse këtu janë shkatërruar rregullat e lojës. Është si të lozin disa skuadra në fushën e futbollit pa arbitër, ose një ekip të marrë dhe bilbilin e arbitrit.