Edhe pak orë na ndajnë nga derbi, mësoni numrin e biletave të shitura në ndeshjen mes Tiranës dhe Partizanit

Interesimi për ndeshjen e sotme mes Tiranës dhe Partizanit ka qenë i madh. Prej tre ditësh tifozët kanë vërshuar në biletari për t’u pajisur me bileta dhe deri mbrëmjen e djeshme janë shitur rreth 17500 bileta.

Në shitje kanë mbetur një numër i vogël biletash, rreth 4 mijë dhe besohet se deri para ndeshjes do jenë shitur të gjitha dhe “Air Albania Stadium” do të jetë plot.

Ky është derbi i dytë që luhet në këtë stadium. Në të parin, ku pritës ishte Partizani, u shiten rreth 19 mijë bileta. Këtë herë pritshmëritë janë që të ketë edhe më shumë tifozë, për shumë arsye.

LEXO EDHE  Conor McGregor “shpërthen” kundër Kinës për koronavirusin

Tirana është pritëse dhe renditet në vendin e parë në klasifikim, gjë që vitet e fundit rrallë ka ndodhur. Në kampin bardheblu po ëndërrojnë rikthimin te titulli kampion, në një sezon që është i veçantë, për shkak se Tirana feston 100 vjetorin e krijimit.