Ish ministri i Brendshëm Dritan Demiraj i është bashkuar thirrjes së Presidentit Ilir Meta për protestën e 2 marsit në mbrojtje të Kushtetutës.
Në një postim në rrjetet sociale ai bën me dije se ka mbërritur me shumë bashkëkombas nga shtete të ndryshme të SHBA, “për tju pergjigjur thirrjes se Komandantit te Pergjithshem te Forcave te Armatosura Ilir Meta per shpetuar demokracine dhe per te mos lejuar vendin te kthehet 30 vjet prapa”.
“Kushdo që e do me zemër vendin, të bashkohemi në mitingun paqësor të datës 2 mars në oren 17:00 në mbrojtje të Kushtetutës së Republikës së Shqipërisë njëlloj siç e mbrojnë dhe qytetarët amerikanë Kushtetutën e SHBA-ve”, shprehet Demiraj në rrjet.
Ai thekson se situata politike në Shqipëri nuk ka qenë asnjëherë më keq se sot.
“Vendi po futet në diktaturë dhe sot më shumë se kurrë është mundësia e fundit për të reaguar.
Rilindja pasi mori të gjithe pushtetet ekzekutive, legjislative, gjyqesore, mediat, me PPP-të, kanabizimin e të gjithe vendit, etj tani ka vendosur që të shkatërrojë dhe gurin e fundit të shtetit shqiptar: Kushtetutën e Shenjtë të Republikës së Shqipërisë.
Prandaj së bashku me shumë bashkëkombas nga New Yorku, New Jersey, Michigani, Chicago dhe Bostoni kemi ardhur në Shqipëri për t’ju përgjigjur thirrjes së Komandantit të Përgjithshëm të Forcave të Armatosura Ilir Meta për shpëtuar demokracinë dhe për të mos lejuar vendin të kthehet 30 vjet prapa.
Ne kemi erdhur nga Amerika, po ju vëllezer dhe motra do na bashkoheni?”, shkruan Demiraj në rrjet.
