“I dënuar për dhunë”/ Kush është Fatmir Koleci, i dyshuar për vrasjen e Vladion dhe Esmeralda Filopatit

Një ngjarje e rëndë ka ndodhur këtë mbrëmje në Rrëshen. Fatmir Koleci, ka vrarë me armë zjarri ish-bashkëshorten e tij Esmeralda Filopati, dhe vëllain e kësaj të fundit, Vladionin, në oborrin e shtëpisë së tyre.

Burime për Boldnews.al bëjnë me dije se autori Fatmir Koleci, ka qenë i dënuar me burg më parë, për dhunë në familje. Koleci njihej si një person problematik.

Më herët, Fatmir Koleci, i cili tashmë është në kërkim nga policia, ka tentuar të vrasë me mjet prerës Esmeraldën. Këtë të fundit, e kanë shpëtuar banorët e fshatit disa herë. Burime për Mapo.al bëjnë me dije se kjo ishte dhe arsyeja e divorcit mes çiftit.

Fatkeqësisht, Koleci ka rrëmbyer armën këtë mbrëmje dhe është nisur drejt banesës së ish-bashkëshortes e cila jetonte me vëllain.

LEXO EDHE  Analisti i njohur: Ambasadorja amerikane jep mesazhe sikur po flasin me grupe mafioze

Si ndodhi ngjarja?

Fillimisht Fatmir Koleci ka rrëmbyer armën e zjarrit dhe është nisur drejt familjes Filopati, ku ndodhej dhe ish-bashkëshortja e tij.

Në derën e shtëpisë ka dalë vëllai i kësaj të fundit, Vladion Filopati, i cili është konfliktuar fillimisht me Kolecin, më pas ka dalë dhe Esmeralda e cila është ëprfshirë në konflikt.

Në këtë moment, Fatmir Koleci ka qëllaur me armë zjarri duke lënë të vdekur në oborr të shtëpisë, ish-bashkëshorten Esmeralda, dhe ish-kunatin e tij Vladion Filopati. Kujtojmë se viktima Esmeralda Filopati ishte nënë e tre fëmijëve.

LEXO EDHE: 

Vrasje e dyfishtë në Rrëshen, reagon policia

Vrasja e dyfishtë në Rrëshen, kush janë viktimat dhe dyshimet e para