Një aksident i rëndë ndodhi sot rreth orës 08:45, në aksin rrugor Rrëshen-Reps, në “Rrugën e Kombit”.
Burime policore thanë se automjeti me drejtuese shtetasen kosovare N. R., ka përplasur këmbësorin Kujtim Aliu, 46 vjeç.
Si pasojë është plagosur rëndë 46-vjeçari, i cili humbi jetën gjatë transportimit në spital.
Drejtuesja e automjetit u shoqërua në Komisariat, për kryerjen e veprimeve procedurale, kurse grupi hetimor po punon për zbardhjen e rrethanave të aksidentit.
