Kukësi-Tirana, publikohen formacionet zyrtare

Kukësi dhe Tirana përballen ndaj njëra-tjetrës në orën 18:00 në “Air Albania Stadium”. Të dyja skuadrat kanë zbardhur dhe formacionet me të cilat do të tentojnë të fitojnë ndeshjen.

Michael Ngoo gjatë kësaj jave ka pasur probleme shëndetësore dhe vetëm një ditë më parë është stërvitur me ekipin. Kështu trajneri Emanuel Egbo ka menduar t’ia besojë sulmin të riut Ernest Muçi, i cili do të mbështetet nga Torassa, Cale dhe Cobbinah.

LEXO EDHE  COVID-19/ Presidenti i UEFA: Kompeticionet e futbollit duhet të përfundojnë deri më 3 gusht

Mbrojtja te Tirana është e zakonshmja, me Dokën e Hoxhallarin nga krahët, kurse në qendër nga fillimi luajnë Muça dhe Vangjeli. Lika mbron katërkëndëshin, ndërsa në mesfushë Batha dhe Çelhaka ngrenë “digën”.

KUKËSI: Xhika, Maliki, Teqja, Obanor, Musta, Musolli, Limaj, Rroca, Ethemi, Abazaj, Shkurtaj. Trajner: Shpëtim Duro

TIRANA: Lika, Doka, Muça, Vangjeli, Hoxhallari, Batha, Çelhaka, Cobbinah, Torassa, Cale, Muçi. Trajner: Emanuel Egbo