Damian Gjiknuri, bashkëkryetari i Komisionit për reformën Zgjedhore, përjashton çdo mundësi për qeveri tranzitore.
”Nuk ka diskutim për qeveri tranzitore është çështje e ezauruar nuk ka lidhje me reformën zgjedhore.Ata që s’morrën gjë me protesta dhe molotov, nuk mund të pretendojnë të marrin gjë në tryeza”, tha Gjiknuri.
Gjithashtu ai u shpreh kundër propozimit të opozitës, e cila kërkon moratorium 4 vjeçar nga vettingu për gjyqtarët që bëhen pjesë e Kolegjit Zgjedhor, që shqyrton ankimimet mbi procesin zgjedhor.
“Nuk më duket normale që procesi i vetingut të bllokohet për shkak të procesit zgjedhor”, tha ai.
Gjithashtu, Gjiknuri deklaroi se PD nuk ka pse të bëjë lojën e Presidentit, i cili ka paralajmëruar një protestë më 2 mars.
“Diskutuam për kolegjin. Të them të drejtën konstatuam disa propozime që kërkojnë rishikim sepse nuk mund të vemë në pikëpyetje reformën në drejtësi. Jemi të gatshëm të gjejmë një zgjidhje por pa vënë në rrezik reformën. Diskutuam për në sërë çështjes. Jemi duke progresuar. Gjërat principale me organizimin kushtetues, nuk mund ti vënë në pikëpyetje për disa shqetësime që ka PD. Ruajtja për sigurinë në qendrën e votimit, do ta pranojmë. Nëse duam që t’i kthehen institucioneve s’ka pse PD që të përfshihet në lojën presidentit”, tha Gjiknuri.
