Ka arritur në 1,016 numri i personave që kanë humbur jetën nga koronavirusi. Sipas raportimeve, ditën e djeshme humbën jetën 103 persona, duke thyer rekordin e dy ditëve të fundit.
Por numri i infeksioneve të reja në shkallë vendi ishte zvogëluar gati 20% nga një ditë më parë, nga 3.062 në 2.478. Tani ka më shumë se 42.200 raste të konfirmuara në të gjithë Kinën.
BBC raporton se pas situatës shumë alarmante, Kina ka pushuar nga puna disa zyrtarë, të akuzuar për trajtimin e situatës.
Sekretari i partisë për Komisionin e Shëndetit dhe kreu i komisionit ishin midis atyre që humbën punën. Ata janë zyrtarët më të vjetër që u larguan.
Zëvendësdrejtori i Kryqit të Kuq vendor gjithashtu u hoq nga detyra. Të dy zyrtarët e partisë do të zëvendësohen nga një figurë kombëtare, zv / drejtori i Komisionit Kombëtar të Shëndetit të Kinës, Wang Hesheng.
