Racizmi në Itali, klubi i Serisë A hedh hapin e parë për zhdukjen e fenomenit

Racizmi në futboll është një problem që akoma ekziston në ditët e sotme. Ky fenomen vitet e fundit është bërë më i dukshëm në Serinë A.

Për të gjetur një zgjidhje klubi i Hellas Verona është klubi i parë që vendos të bëjë diçka konkrete për ta parandaluar.

Zgjidhja janë kamerat  e trupit, që do t’i mbajnë stjuartët në stadiume. Hellas Verona kishte premtuar se do bëhej klubi i parë që do e luftonte fenomenin e racizmit. Në ndeshjen kundër Lecce u testuan për herë të parë kamerat kundër racizmit.

Federata Italiane ka qenë e qartë, që duhet gjetur një zgjidhje, dhe nëse klubet e Serie A nuk duan dënime kolektive, atëherë do të duhet ta përqafojnë këtë zgjidhje dhe të identifikojnë personat që do të nxitin thirrje raciste në stadiume. Nëse kjo ndodh, atëherë edhe dënime nuk do të ketë për to.