Një aksident i rëndë ka ndodhur këtë mbrëmje në aksin Elbasan-Librazhd, saktësisht në Labinot. Sipas informacioneve paraprake, në aksident janë përfshirë tre automjete. Për pasojë, disa persona kanë mbetur të plagosur.
Identitetet e tyre ende nuk bëhen me dije por mësohet se janë nisur me ambulancë drejt spitalit për të marrë ndihmë mjekësore. Policia dhe grupi hetimor ndodhen në vendngjarje për të zbardhur rrethanat dhe shkaqet e aksidentit.
Dyshohet se shkak i përplasjes të jetë bërë një parakalim i gabuar i një prej mjeteve. Nuk përjashtohet si shkak shpejtësia tej normave të lejuara.