Rama pas takimit me Yuri Kim: Në mbledhjen e sotme të qeverisë, kaluam…

Kryeministri Edi Rama dhe ambasadorja amerikane Yuri Kim u takuan paradite në kryeministri.

Përmes një postimi në Twitter Rama bën me dije se pas këtij takimi Këshilli i Ministrave kaloi paketën “anti KÇK” dhe ligjin për masat pasurore ndaj krimit të organizuar.

“Takimi i mirëseardhjes së ambasadores amerikane Yuri Kim me fokus në prioritetet e përbashkëta si dy vende aleate. Koinçidencë e bukur mbledhja e mëpastajme e qeverisë, u kaluam paketën AntiKÇK&Ligjin Special për masat pasurore ndaj krimit të organizuar”, shkruan Rama.

Lidhur me takimin, ka reguar dhe ambasada amerikane në Tiranë.

LEXO EDHE  Alfred Cako plas ‘bombën’: Antenat 5G tek senatoriumi po vrasin të sëmurët

“Në vizitën e sotme prezantuese me Kryeministrin Rama, Ambasadorja e Shteteve të Bashkuara Yuri Kim pati mundësinë të përvijojë prioritetet e Shteteve të Bashkuara në Shqipëri: të ndihmojë Shqipërinë për tu bërë një aleate më e aftë në NATO dhe një bastion më i fortë sigurie; mbështetje për zhvillimin demokratik dhe sigurimin e zbatimit të duhur të reformave në drejtësi; dhe rritjen e mundësive të biznesit për shqiptarët dhe amerikanët. Ajo falenderoi Kryeministrin për përpjekjet e jashtëzakonshme të Shqipërisë në çuarjen përpara të prioriteteve tona të përbashkëta”, thuhet në një njoftim të ambasadës.