Edi Rama kërkonte viktima më 30 qershor, ditën kur u mbajtën votimet mono-partiake për kryetarët e bashkive.
Deklarata është bërë nga Monika Kryemadhi, kryetare e LSI-së, në studion e Oraneës, ku ajo theksoi se Rama kërkonte djegie të qendrave të votimit më 30 qershor, kërkonte dhunë në 30 qershor që të thoshte që “këta” janë të dhunshëm.
Duke iu rikthyer qëndrimit të mbajtur nga opozita që u tall me procesin, Kryemadhi tha se kjo prodhoi për herë të parë mbas 30 vitesh një raport të OSBE-ODHIR më të rëndë edhe se ai i zgjedhjeve të ’96, që një pjesë e mirë e shqiptarëve duhet ta mbajnë mend.
“Raporti për 30 qershorin është 10 herë më i rëndë se raporti i ‘96, të cilat të gjitha institucionet ndërkombëtare ja kthyen mbrapsht Sali Berishës atëherë, sepse pas ‘96, u bënë zgjedhjet e ‘97.
Nëse do të kishim ndjekur, nëse ne nuk do të lejonim njerëzit të shkonin të votonin normal nuk do të kishim një raport të OSBE.
Normal që Edi Rama edhe i vetëm në zgjedhje, sepse sot të gjithë tallen me rezultatet e KQZ të Edi Ramës, që rezultati u doli mbas 1 muaji. i vetëm në zgjedhje. Pra sepse morën pjesë 100 mijë votues thotë ai por dolën 120 mijë vota në kutin e votimit.
Dmth që është qesharake. As matematikë nuk dinë të bëjnë. As rakordim të procesit zgjedhor të cilin e bënë vet, e votuan vet, e numëruan vet, i votuan vet, i shqyrtuan vet, nuk arritën dot ta bënin.
Zgjedhjet e 30 qershorit treguan që Edi Rama është i lidhur kokë e këmbë me krimin e organizuar. Deri më sot, ke dy kryetar bashkie të shkarkuar për shkak të lidhjes së tyre dhe të dënuar. Dhe kemi edhe një kryetare bashkie që tha jam e lumtur që kanë vdekur 51 veta.
Kush e ndalonte Edi Ramën në Shkodër mos të zgjidhte Valdin Pjetrin, por të zgjidhte një profesor, një grua, një vajzë, një djalë të nderuar pa të kaluar? Edi Rama e dinte shumë mirë që Valdin Pjetri ishte me të kaluar. E dinte jashtëzakonisht mirë sepse i kishte hyrë garant Sekretari i tij i Përgjithshëm, i cili do t’i merrte përsipër dëshminë e penalitetit të shtetit Italian fqinj duke qenë që ai ka lidhje të vjetra me drejtësinë italiane. Ka qenë avokat i zyrave të avokatisë nga më të njohurat.
Edi Rama përfaqëson krimin e organizuar. Pra shikojeni në këtë drejtim. Shikojeni në këtë drejtim që kemi një komunitet ndërkombëtar që ka një raport prej 34 faqesh të OSBE-OHDIR-it ku e bënë copë procesin e 30 qershorit dhe asnjë nuk merret me procesin e 30 qershorit”, tha Kryemadhi.
Lidhur me viktimat e shkaktuara nga tërmeti i 26 nëntorit, kryetarja e LSI-së akuzoi direkt Kryeministrin për vrasjen e 51 qytetarëve, pasi institucionet nuk vepruan në kohë.
“Tani nga frika kanë filluar të thonë që janë përgjigjur në kohë, kujt i janë përgjigjur në kohë? I’u përgjigjën në kohë familjes Lala? Që ditën me diell në orën 11 u shemb dhe u vranë fëmijë dhe gra atje? Për dy fadroma që mund të ndihmonin, aty u përgjigjën në kohë? Për të prishur shtëpitë e Unazës së Re kishin 40 fadroma ndërsa për 9 objekte në Durrës nuk kishin as 18 fadroma për t’i ndihmuar njerëzit”, tha ajo.
