Natën e tërmetit i çova mesazh Bashës / Rama: Ja çfarë i kërkova…

Kryeministri Edi Rama rrëfeu sot se natën e tërmetit të 26-nëntorit i ka dërguar një mesazh në celularin personal, kryetarit të Partisë Demokratik, Lulzim Bashës.

Rama u shpreh se Basha nuk i ka kthyer përgjigje mesazhit të dërguar.

“Natën e tërmetit i kam dërguar një mesazh Lulzim Bashës. Ka qenë një mesazh i dërguar në telefonin personal, jo mesazh publik. I shkrova dhe i thashe se mendoj që bashkë të shkojmë aty ku është dhimbja, se në fund të fundit asgjë nuk ka më tepër rëndësi se sa nëvoja për ngushëllim e njerëzve. Dhe e presin nga ne…”, tha Rama, i ftuar në emisionin “Zona e debatit”, në “Klan Kosova” me Baton Haxhiun,

LEXO EDHE  "Mbani maskën"/ Rama: Ndryshe do na duhet të mbyllemi sërish

Më tej kryeministri solli në vëmendje thirrjet publike që i ka bërë kryedemokratit, për t’u ulur në dialog, por që sërish nuk ka marrë asnjë përgjigje.

“Mund të vinte jo për të bërë marrëveshje, por për të qenë përtej politikës,”- tha ai më pas.