Analisti Dritan Shano ka bërë një reagim epik në rrjetet sociale, pasi Kuvendi miratoi paketën anti-shpifje.
“Kur unë shkruaj Qeveria, nuk kam parasysh Qeverinë e Republikës së Shqipërisë, por Qeverinë e Ishujve Sanduiç të Jugut”, shkruan Shano në rrjet, në formën e një sqarimi për AMA-n.
Postimi i Dritan Shano
Pas miratimit nga Kuvendi i Republikës së Shqipërisë të ligjit antishpifje, sqaroj Autoritetin e Mediave Audiovizive se:
1) kur unë shkruaj Qeveria, nuk kam parasysh Qeverinë e Republikës së Shqipërisë, por Qeverinë e Ishujve Sanduiç të Jugut;
2) Statuset, shkrimet dhe daljet e mija televizive, komentet e mija me gojë apo me shkrim, narrative apo me shifra statistikore, janë veprimtari e fantazisë time personale dhe çdo ngjashmëri apo përputhje me Qeverinë e Republikës së Shqipërisë, apo me personazhe në përbërje të saj është krejt e pavërtetë.
