Kryetarja e LSI-së Monika Kryemadhi në fjalën e saj në tryezën e organizuar nga opozita për lirinë e medias, u shpreh se kryeministri Edi Rama njeh vetëm propagandën dhe ky është një problem që kërkon përfshirjen e të gjithë shoqërisë shqiptare. Më tej kryetarja e LSI-së u shpreh se si opozitë kanë marrë vendimin e largimit nga Parlamenti, pasi vetëm një veprim i tillë i opozitës do të shfaqë figurën e vërtetë të një artisti që në thelb ka censurën. “Do të kemi një AMA si një hetuesi dhe një AKEP si xhelat. Pasi t’i mbyllin gojën medias, do i mbyllin gojën dhe njëri-tjetrit. Kryeministri vijon të ecë përpara me metodën e tij të mashtrimit dhe propagandës.”-deklaroi Kryemadhi.
“Ne si opozitë kemi marrë një vendim largimin nga parlamenti, vetëm një veprim i tillë i opozitës do të shfaqë figurën e vërtetë të një artisti që në thelb ka censurën. Do të kemi një AMA si një hetuesi dhe një AKEP si xhelat. Strategjia e shpopullimit është e Ramës ku po ikën klasa e mesme, biznesi, gazetarët, opinionistët sepse kanë sigurinë e shëndetësisë për fëmijët etj, e më pas do të sjellë censurën. Jemi në krah të gazetarëve, jam kundër pronarëve që nëpërmjet gazetarëve të bejnë qoka nëpërmejt ERTV.
Të mbyllësh gojën e gazetarëve është shkelje e të drejtave të njeriut. Duhet solidaritet me njëri-tjetrin. Kemi të njëjtën situatë si më 1945 ku nisën spastrimin e intelektualëve. Shqipëria pritet të marrë presidencën e OSBE dhe kryeministri ecën me mashtrim dhe propagandë.”-deklaroi Kryemadhi
LEXO EDHE:
(LIVE) Paketa anti-shpifje/ Shkullaku: ERTV-ja më keq se Zëri i Popullit të kohës së komunizmit
