Seria A/ Gennaro Gatusso debuton ndaj Parmës

Gennaro Gatusso bën sot debutimin e tij si trajner i Napolit, në ndeshjen kundër Parmës, në “San Paolo Stadium”.

Ish-trajneri i Milanit, do të ketë shansin të debutojë me fitore para publikut vendas dhe të fitojë respektin e tifozërisë, që nuk feston prej javësh në kampionat, me Napolin, që ka “harruar” shijen e fitores dhe është shkëputur jo vetëm nga kreu, por edhe nga zona Champions.

Objektivi i vetëm i napolitanëve mbrëmjen e sotme do të jetë marrja e tre pikëve, që përveçse do të rikthente qetësinë në ekip, do të mund të afronte sadopak skuadrën me zonën Champions të renditjes, që duket se është edhe objektivi i Gattusos për këtë sezon.

LEXO EDHE  Lajm i mirë për Real Madrid, mbrojtësi spanjoll rikuperohet nga dëmtimi

Të dyja skuadrat janë me pikë të barabarta, 21 secila, teksa Napoli është në pozicionin e shtatë, ndërsa Parma ku luan Dermaku, në vendin e tetë, ku diferencën mes skuadrave e bën golaverazhi në favor të Napolit.

Ndeshja zhvillohet në orën 18:00.