Mehdi Abrischamchi, i njohur ndryshe si Bahman Tehrani, i cili konsiderohet si numri 2 i MEK-ut, dyshohet se ishte shënjestra e një celule terroriste, e cila po planifikonte një sulm ndaj anëtarëve të organiyatës, që janë vendosur në kampin e Manzës, në Shqipëri.
Nga raportimet mësohet se dosjen e SPAK, sulmi i celulës, e cila hetohet prej disa vitesh mund të kryhej ndaj Mehdi Abrischamchi.
SPAK po kryen hetime prej katër vitesh për një celulë, që po planifikonte sulm ndaj MEK në Shqipëri. Më 2019 godit një celulë terroriste.
Sipas të dhënave të SPAK, rezulton se ai ka qëndruar në Shqipëri për një kohë të gjatë, ku dyshohet se ai mund të ishte në shënjestër të celulës.
Rezulton se celula terroriste kishte në përbërje të saj jo vetëm anëtarë të Gardës iraniane, por edhe ish-anëtarë të MEK, që dyshohet se jepnin informacion.
Sipas të dhënave të hetimit, rezulton se anëtarët e celulës bënin vëzhgime të anëtarëve të MEK në Shqipëri.
SPAK urdhëroi kontrollin në ambientet, banesa ose vende të tjera, ku rreth 20 anëtarë të MEK, që dyshohej se ishin rekrutuar nga Irani, ishin angazhuar në veprimtari spiunazhi duke dhënë të dhëna lidhur me kampin e muxhajedinëve. Gjatë kontrollit janë sekuestruar disa pajisje që dyshohet se janë përgjimi dhe transmetimi, telefona celularë, usb, si dhe të tjera pajisje elektronike, të cilat pritet ti nënshtrohen ekspertizës.
Sipas News 24, rezulton se anëtarët e celulës bënin vëzhgime të anëtarëve të MEK në Shqipëri.
Në dosje thuhet se disa individë që flasin gjuhën turke, rezultojnë se kanë mbërritur në Tiranë, ku janë takuar me dy makina dhe kanë pasur si qëllim përgatitjen e sulmit. Takimet ata i bënin në dy hotele të njohura në Tiranë.
“Kam dy ditë në Tiranë, do ta kryejmë punën e djalit të Hajit Pejman. Ne do lëvizim në drejtimin që na keni thënë ju.
Po presim lajme prej teje vëlla. Jemi 4 veta që kemi ardhur këtu me dy makina. Kemi këtu dy ditë dhe shokët e tjerë i kemi sistemuar në hotel. Unë dhe shoku im jemi në hotelin tjetër”- thuhej në një nga mesazhet e këmbyera.
