“Kompleksi Thumana”, Pacolli zbulon projektin për pallatet që u shembën nga tërmeti (Foto)

Tërmeti i 26 Nëntorit që goditi Shqipërinë përveçse ja pas shumë viktima e qindra të tjerë të plagosur, fatkeqësisht la edhe shumë shqiptarë në qiell të hapur, kryesisht në Durrës dhe në Thumanë. Behgjet Pacolli dhuroi 1 milion euro për familjet e prekura nga tërmeti dhe po ashtu vendosi të ndërtojë edhe kompleksin e apartamenteve në Thumanë në emër të familjes Pacolli.

Projekti i tij është emëruar “Kompleksi Thumana” dhe përfshin apartamente moderne dhe të standarteve të larta.

“Të dashur miqtë e mi, Me një shpejtësi rekord përfundoi projekti i ndërtesave me apartamente moderne, që do të ndërtohen në Thumanën e goditur nga tërmeti rreth 3 javë më parë. Tani është çdo gjë gati për të filluar ndërtimi, i cili do të financohet komplet nga familja Pacolli, nëpërmjet fondacionit “Behgjet Pacolli”. Falënderoj të gjithë grupin që punuan në punët përgatitore dhe projektuese”, ka njoftuar Pacolli me anë të një statusi të bërë në Facebook.