Këshilli i Lartë i Prokurorisë ka miratuar sot transferimin e prokuroëve të Krimeve të Rënda në prokuroritë e rretheve gjyqësore.
Duke qenë se pas datës 19 dhjetor 2019, Prokuroria e Krimeve të Rënda, nuk do të ekzistojë, për shkak të ngritjes së SPAK, trupa e prokurorëve aktualë të krimeve të rënda do të transferohet në prokuroritë e rretheve dhe të Apelit.
Kështu, KLP ka vendosur që prokurorët Arens Çela, Blerim Tominaj, Besim Hajdarmataj, Doloreza Musabelliu, Elisabeta Imeraj, Manjola Kajana, Vladimir Mara ,Sonila Muhametaj dhe Pranvera Pustina të transferohen në Prokurorinë e Shkallës së Parë Tiranë.
Prokurori Artan Bajrami të transferohet në Prokurorinë e Apelit Tiranë.
Prokurori Përparim Kulluri transferohet në Prokurorinë e Shkallës së Parë Shkodër, ndërsa Eugen Beci është transferuar në prokurorinë e Shkallës së Parë të Korçës.
Në rastet kur prokurorët nuk kanë kaluar vetting në shkallën e parë, KPK, atëherë vendimi për transferimin e tyre mbetet i pezulluar, deri në marrjen e një vendimi përfundimtar nga procesi i Vetting.
Gjithashtu KLP vendosi t’i ndërpritet caktimi i përkohshëm të prokurores Alketa Zifla si Drejtoreshë Kabineti në Prokurorinë e Përgjithshme dhe kthimin e saj si prokurore në Prokurorinë pranë Gjykatës së Shkallës së Parë Tiranë.
Po kështu u miratua me 11 vota pro, veprimtaria jashtë funksionit (mësimdhënie) pranë fakultetit të Drejtësisë, Universitetit i Tiranës, për magjistratin prokuror z.Kreshnik Ajazi.
Për miratimin e veprimtarisë jashtë funksionit, konkretisht si eksperte, pranë Qendrës së Trajnimit të Administratës Tatimore dhe Doganore, për magjistraten, prokurore znj. Enkeleda Millonai për periudhën deri më 30.12.2019.
Miratimin e veprimtarisë jashtë funksionit për prokuroren znj. Ermira Tafani, si eksperte pranë Qendrës për Iniciativa Ligjore Tiranë, për periudhën deri në fund të muajit shkurt 2020 në masën jo më shumë se 2 (dy) orë në javë gjatë dhe jashtë orarit të punës si dhe pranë Universitetit Aleksandër Xhuvani Elbasan, për periudhën mars-qershor 2020.
Miratimin e veprimtarisë jashtë funksionit (mësimdhënie) pranë Kolegjit Universitar “Bedër” Tiranë, në lëndën “Procedurë Penale e avancuar me praktikë gjyqësore”, për prokurorin z.Adnan Xholi, në masën jo më shumë se 2(dy) orë në javë, jashtë orarit të punës, për vitin akademik 2019-2020.
Vendimi i KLP/ I shërbyen Rilindjes, “shpërblehen” Arta Marku dhe Donika Prela…
