KLP në mbledhjen e sotme vendosi transferimin e prokurorëve të Krimeve të Rënda në prokuroritë e Shkallës së Parë dhe të Apelit në Rrethe.
Kështu, referuar vendimeve të miratuara, Arta Marku nga 1 janari 2020 do të jetë prokurore e përkohshme në Prokurorinë e Apelit në Tiranë. Ndërsa për pjesën e mbetur të vitit (deri më 31 dhjetor 2019) ajo është anëtare e KED-së
Ndërsa, Donika Prela, e cila drejtonte Prokurorinë e Krimeve të Rënda, Shkalla e Parë, do të jetë prokurore e përkohshme në Prokurorinë e Shkallës së Parë në Tiranë.
Gjithashtu, Anton Martini, i cili është kandidat për SPAK dhe pret vendimin e KPK-së për të vijuar ose jo detyrën, është caktuar përkohësisht në Tiranë, ndërsa emërimi i tij është në Prokurorinë e Shkallës së Parë në Shkodër.
Gjithashtu në mbledhjen e sotme të KLP-së u miratua projekt-akti i vlerësimit, në kuadër të rivlerёsimit kalimtar për prokurorin, Pelivan Malaj.
Vendimi nga KLP/ Ja ku transferohen prokurorët e Krimeve të Rënda
