Juventus do të luajë nesër ndaj Lazios në transfertë një sfidë mjaft të vështirë. Në kuadër të ndeshjes, trajneri Sarri ka publikuar listën e të grumbulluarve, ku emri që bie në sy mbi të gjithë është ai i Marko Pjacës.
Kroati ishte harruar prej vitesh, pasi ndeshjen e fundit që ka me bardhezinjtë e ka luajtur në sezonin 2016/2017, kohë edhe kur u ble për 23 milionë euro nga Dinamo Zagreb. Kujtojmë, në merkaton e verës 2016 u bë zhurmë e madhe, pasi Pjaca refuzoi në fund Milanin për të zgjedhur bardhezinjtë.
Huazime te Schalke dhe Fiorentina, ndërsa tashmë ka lënë pas dëmtimin dhe është rikthyer të jetë në dispozicion të Juves. Sarri e ka grumbulluar për sfidën e nesërme ndaj Lazios, ku së bashku me Pjacën rikthehet dhe Rabiot, ndërsa mungon Ramsey.
