Kryeministri Edi Rama u shpreh i vendosur mëngjesin e sotëm për të mbrojtur konçensionet, ndërsa kreu demokrat Lulzim Basha i ka propozuar që 150 mln eurot që përfitojnë 10 oligarkë, duhet të shkojnë në mbështetje të personave të prekur nga tërmeti.
Rama tha se puna për rindërtimin do të vazhdojë njësoj si të mos kishte asnjë ndihmë nga jashtë. Madje, Rama tha se paratë do të gjenden nga shkurtimet në buxhet të shpenzimeve për zyrat dhe makinat.
“Ne vazhdojmë punën njësoj sikur mos të kishim ndihma nga askush, do të ketë një program të veçantë në Buxhetin e Shtetit. Ne do ta bëjmë rindërtimin, por nuk do të cënojmë parametrat e tjerë të buxhetit, që do të thotë se nuk do të prekim palcën e shtyllës kurrizore të buxhetit, siç mund të propagandpohet vërdallë si zgjidhje magjike, na thonë hiqini këtu, verini këtu.
Nuk mund t’iu themi njerëzve që ju nuk do bëni më kontrolle bazë, nuk mund t’iu themi të sëmurëve me dializë që të vdesin se ne do të merremi me rindërtimin, ne nuk do iu themi nënave në maternitet, që të marrin thika dhe gërshërë me vete, se ne nuk kemi mundësi për sterilizim.
Nuk do të ndalojmë punën në rrugën e Arbërit se kemi rindërtimin, që do të thotë, se kemi hequr nga buxheti të gjithë volumin e investimeve për logjistikë, zyra paisje, pa prekur investimet për teknologjinë, se kjo do të ishte një budallëk më vete pastaj”, tha Rama.
DENONCO