“Donatorët e paraqitur deri më tani shumë mirë që janë, por unë nuk pres ndonjë rezultat serioz nga kjo tryezë mes donatorëve dhe qeverisë”, kështu u shpreh ish-zv.ministrja e Financave, Irena Beqiraj, e ftuar në studion e emisionit “Top Talk”, në Top Channel.
Sipas saj, donatorët janë lokalë dhe jo ndërkombëtarë, që mund të ofronin më shumë siguri.
“Deri tani na janë ofruar vetëm donator lokalë, që përfaqësojnë fonde që burimin kryesorë të të ardhurave e sigurojnë nga diaspora. Deri më tani nuk kemi donatorë seriozë siç janë Brukseli ose Bashkimin Europian”, tha Beqiraj.
Më tej ajo shtoi ish-zv.ministrja Beqiraj u shpreh se i gjithë ky fond që mblidhet nga donatorët për rindërtimin e banesave duhet të menaxhohet nga qeveria.
“Ky fond na pëlqen apo s’na pëlqen neve duhet të menaxhohet nga qeveria. Ne kemi nevojë për fondin shqiptar të ndërtimit, sa kanë qenë kostot si do të menaxhohen ato. Gjithashtu duhet të vendosen në funksion mekanizmat e transparencës dhe menaxhimit në mënyrën e duhur të këtyre fondeve.
Po të shikosh të gjithë fondet e menaxhimit që kanë nxjerrë qeveritë në botë, në krye është vendosur një përfaqësues i qeverisë dhe pjesa tjetër përbëhet nga grupet e donatorëve.
Për mendimin tim kjo duhet të ndryshojë dhe i gjithë procesi duhet të vendoset në funksion të qeverisë. Pasi ky organ e di më së miri se ku janë problematikat më të mëdha dhe ku është nevoja më e madhe dhe emergjente për të investuar”, tha ish-zv.ministrja Irena Beqiraj.
