Kanë dalë projeksionet e para në 3 shtete për zgjedhjet presidenciale në SHBA, ku në dy prej tyre ka fitur kandidati repulikan Donald Trump dhe në një tjetër kandidatja demokrate Kamala Harris.
Sipas mediave amerikane, nga numërimi i voatve, në Kentaki ka një fitore të thellë të Donald Trump me 71% të votave ndërsa demokratja Kamala Harris ka vetëm 27% të votave. Kjo do të thotë që 8 votat e kolegjit elektoral të Kentakit të shkojnë për Trump. Në këtë shtet nuk ka ndonjë surprizë pasi njihet si mbështetës i republikanëve dhe Trump e kishte fituar edhe në 2020.
Gjithashtu raportohet se ish-presidenti amerikan, sipas projeksioneve, ka fituar edhe në Indiana. Ky shtet ka 11 vota elektorale, teksa Trump ishte shpallur fitues edhe në vitin 2020.
Ndërkohë kanë dalë edhe projeksionet për Vermontin që është fituar nga Kamala Harris. Për të shkojnë vetëm 3 vota elektorale. Në 2020 ky shtet u fitua po nga kandidati demokrat Joe Biden.
Nga projeksioni i këtyre tre shteteve, rezultati i përgjithshëm është 19-3 për Trump. Për t’u shpallur president i duhen 270 vota elektorale.
