Nuk është koha për foto dhe për shfaqje, është koha për verpime urgjente dhe të mirëkordunuara.
Kështu u shpreh kreu demokrat, Lulzim Basha, duke iu përgjigjur apelit të Kryeministrit, i cili e kaftuar në një tryezë për situatën e krijuar pas tërmetit të 26 nëntorit.
Basha tha se këta qytetarë kanë nevojë për ndihmë konkrete dhe ne si opozitë mbështesim qeverinë në ccdo përpjekje të saj që i shërben qytetarëve të prekur nga tërmeti.
“Mbështesim çdo plan të qeverisë apo të gjithkujt tjetër që i shërben njerëzve”, tha Basha, ndërsa zhvilloi takime në lagjen 7 në Durrës.
Gjatë takimeve, kreu demokrat tha se në këtë zonë nuk ka ardhur askush që të inspektojë banesat dhe sikundër më thanë qytetarët, nuk ka shkuar askush për t’i ofruar ndihmë.
“Kam një plan me 3 pikash: Së pari janë 500 ekspertë inxhinierë, që janë vetëofruar për të ndihmuar në procesin e vlerësimit të banesave. Këto inxhinierë duhet të organizohen në grupe nga qeveria dhe të shpërndahen në të gjitha zonat e prekura nga tërmeti.
Vlerësimi i banesave do të bëjë që qytetarët të qetësohen, nëse banesat e tyre vlerësohen si të banueshme, dhe të hyjnë në shtëpitë e tyre, por njëherazi për banesat që nuk klasifikohen, qytetarët të mos hyjnë.
Kjo do t’i qetësonte qytetarët.
Gjithashtu i bëj thirrje qeverisë që të anulojë ato kontratat që ka me 10 oligarkë dhe ato 150 mln dollarë të shkojnë në ndihmë të këtyre qytetarëve”, tha Basha.
