Basha: Veprimet e Ramës për të mbyllur mediat, kriminale! Prokuroria të nisë hetimet

Mbyllja e mediave kritike ndaj qeverisë është quajtur veprim kriminal nga ana e kreut të Partisë Demokratike, Lulzim Basha. Sipas Bashës, Rama po përdor situatën tragjike ku ndodhet vendi për të sulmuar mediat që kanë nxjerrë në pah gabimet e tij si dhe kanë pasqyruar denoncimet e qytetarëve.

Basha ka kërkuar nisjen e hetimeve nga ana e prokurisë për dhunimin e fjalës së lirë nga qeveria.

“Të shfrytëzosh këtë fatkeqësi për të mbyllur portale, faqe fb e rrjete të tjera sociale dhe të kërcënosh gazetarët nga mëngjesi në darkë vetëm pse janë kritikë me qeverinë dhe sjellin zërin e qytetarëve të lënë në harresë dhe pa asnjë ndihmë, është kriminale”, shkruan Basha në një postim në rrjetet sociale.

“Kjo është mënyra për të mbytur zërin e qytetarëve dhe të vërtetës që vjen përmes medias dhe portaleve të ndryshme. Prokuroria duhet të nisë menjëherë hetimet për dhunimin e fjalës së lirë nga qeveria. Me Kushtetutë dhe ligj kjo përbën një krim të rëndë që duhet ndëshkuar”, shtoi ai.

LEXO EDHE  Përtej politikës së madhe

Pak ditë më parë me urdhër të Ramës u mbyll portali “Jeta Osh Qef”, ndërkohë që sot mësohet të jetë mbyllur Fun Page “Brryli Brodway” e cila njihet për memet, satirat dhe qëndrimet kritike ndaj qeverisë por jo vetëm. Por kjo nuk mjafton me kaq. Një sulm i tillë është bërë edhe ndaj një mediaje të re informative online, “Dosja.al” e cila është bërë e paaksesueshme në rrjet, dhe sipas botuesit, arsyeja ka të bëjë me një foto, e ‘drejta e autorit’ për të cilën është e papërcaktuar.