“…e di sa e vështirë është të kesh dikë të sëmurë në familje”/ Morena Taraku bën gjeste bujare njëra pas tjetrës

Personazhet VIP që kanë ardhur në ndihmë të të prekurve nga tërmeti kanë qenë të shumtë. Një prej tyre është edhe Morena Taraku e cila ofron gjithë mbështetjen dhe ndihmën e saj.

Morena përmes një postimi ka treguar se shpreh gjithë mbështetjen e saj për personat e prekur nga tërmeti. Ndihma e saj i referohet më së shumti të moshuarve dhe të sëmurëve duke u shprehur e gatshme që t’i ndihmojë me barna dhe terapi të gjithë ata që kanë nevojë.

Po mendoja për të moshuarit e të sëmurët, sepse e di sa e vështirë është të kesh dikënd të sëmurë në familje. Dhe doja të thosha: Të gjithë ata që janë të prekur nga tragjedia në Shqipëri dhe tani gjenden në Kosovë dhe kanë nevojë për barna dhe terapi që vuajnë nga sëmundjet kronike dhe nuk kanë mundësi për t’i pasur ato le të më kontaktojnë mua në DM… Do jem këtu për t’ju ndihmuar me gjithë forcat e mia”.

LEXO EDHE  Zemërthyese! Adoleshenti me ngjyrë tregon rregullat që e ëma i ka mësuar për t’u mbrojtur në rrugë

Morena gjithashtu ka publikuar kontributin e saj në fondin për Shqipërinë.

Ajo po u bën thirrje ndjekësve të saj për të kontribuar, gjë të cilën e ka bërë edhe vetë. Pas donacioneve në vlera monetare përgjatë ditëve që lamë pas, Morena ka kontribuar sërish,.

Ajo përmes platformës GoFund ka bartur sot nga xhirollogaria e saj plot 1,100 dollarë, siç e ka zbuluar vetë përmes rrjeteve sociale.